Mån lav Lisbeth Kielatis riegádam 1955, sjaddam bajás Stuor Julevun gånnå ájn vilá årrov. Mån lav unne rájes girjijt låhkåm ja dat lij stuor miellogisvuohta. Muv máná lijga unnagattja ja de sidájga gullat muv mánnávuoda birra ja de álggiv giehttot. Gå såj oaddajga de tjálliv gájkka giehtojt blyertspennajn páhppárij ja sárgov aj tjuorggasijt. Vijmak sjaddin moaddasa ja mån dajt boahtteájggaj låda sinna spárriv. Guoktalåkgaktsa jage li vássam dat rájes. Vuojnnus mejt dagáv daj tevstaj. Soajttáv vijmak ålgus vaddet.
Gåvvå: Lena Kuoljok Lind